Finnmárkku karrieara ii fála dušše ovttaskas bagadallama, muhto lea maid gelbbolašvuođaguovddáš iešguđet fágasurggiid bargiide guđet barget karriearagullevaš bargguid main ulbmil lea oahppu ja/dahje bargoválljen. Mii sáhttit ovdamearkka dihte ovttasbargat čuovvovaš fágajoavkkuid gealboloktemis: Nav bagadallit, rávesolbmuid oahpu bagadallit ja oahpaheaddjit, oahppokantuvrraid bagadallit, vuođđo- ja joatkkaskuvlla oahpaheaddjit, báhtareaddjibálvalusa bagadallit ja eará bargit bargo- ja oahppofágasuorggi siskkobealde. Mis lea viiddis vásáhus ja gelbbolašvuohta iešguđet vugiid ja bargoneavvuid karriearabagadallamis geavahit, ja máhtu oahppo- ja bargomárkana hárrái.

Mii fállat kurssaid, oahpaheami, joavkobagadallama, diehtočoahkkimiid ja mielbargibagadallama. 

Mii maid searvat konferánssaide ja áinnas ovdanbuktit fágačoahkkimis dahje eará lávddis karriearasuorggis. 

Mii atnit bargoneavvuid maid ieža leat ráhkadan, ja lea maid lagas oktavuohta nationála guovddažii Kompetanse Norge gos mii bargat ovttas iešguđet aktevrraiguin Karriearafágas,  e.e. karriearaneavvuid ovddideamis.