Karriearabagadalli fágamáhttu ja iešipmárdus

• Bagadallis lea ovddasvástádus fágamáhtus dađistaga ođasmahttit
• Bagadalli galgá dovdat makkár fápmu sus lea virggis ja galgá árvvusatnit, dohkkehit ja rabasvuođain váldit vuostá sagastallamii su guhte oažžu bagadallama
• Bagadallis lea ovddasvástádus smiehttat ja árvvoštallat iežas doaimmaid sihke okto ja earáiguin 

Karriearabagadalli rolla ja bargamušat

• Bagadallis lea ovddasvástádus jođihit ja struktureret sagastallama, ja veahkehit čielggadit rollaid ja sagastallama ulbmiliid.
• Bagadallis lea ovddasvástádus fuolahit ahte son guhte oažžu bagadallama oidno, gullo ja váldo duođas, ja hástalit su smiehttat, fuomášit ja čađahit doaimmaid.
• Bagadalli galgá láhčit dili vai son guhte oažžu bagadallama beassá suokkardit iežas dárbbuid, beroštumiid, resurssaid, vejolašvuođaid ja hástalusaid. 
• Bagadalli galgá, jus ságastallanfáddá lea olggobealde bagadalli gelbbolašvuođa, láhčit dili vai son guhte oažžu bagadallama beassá árvvoštallat eará fágačehppiid veahki ávkkástallat.

Karriearabagadalli gaskavuohta sutnje guhte oažžu bagadallama ja birrasii

• Bagadalli galgá ođasmahttit máhtolašvuođas oahppovejolašvuođaid ja servodaga gelbbolašvuođadárbbuid hárrái, ja gaskkustit mo oahppo- ja bargovejolašvuođaid sáhttá suokkardit.
• Bagadalli galgá luohtehahtti sutnje guhte oažžu bagadallama, ja bagadalli ii galgga iežas dahje earái beroštumiid ovddidit bagadallamis. 
• Bagadallis lea ovddasvástádus várrogasvuođain geavahit sosiála mediaid.

Karriearabagadalis jaskatvuođageasku, dokumeanttaid gieđahallan ja bealátkeahtesvuohta

• Bagadallis lea jaskatvuođageasku.
• Bagadallis lea mielovddasvástádus áimmahuššat ahte dokumeanttaid gieđahallan fuolaha su guhte oažžu bagadallama, personduodjalusa olis.
• Bagadallis lea ovddasvástádus árvvoštallat iežas bealátkeahtesvuođa, ja dárbbu mielde guorahallat dan ovttas jođiheaddjiin, mielbargiin dahje sutnje guhte oažžu bagadallama, dan duohken ahte mii lea eanemus ulbmillaš. 

Karriearabagadalli lea geatnegahtton dáid ehtalaš njuolggadusaid čuovvut ja galgá daid dihtomielain geavahit bagadallamis. Bagadalli galgá digaštallat ehtalaš gažaldagaid mielbargiin dahje jođiheaddjiin jus eahpida. Jođihangottis lea erenoamáš ovddasvástádus láhčit dili ehtalaš reflekšuvdnii ja njuolggadusaid čuovvoleapmái.