Karriearabagadallama bokte mii veahkehit du suokkardit vejolašvuođaid eallindilistis. 

Ulbmil lea ahte oahpat iežat attáldagaid, givrodagaid, beroštumiid ja gelbbolašvuođa dovdat nu ahte sáhtát valljet buoremusat iežat boahtteáigái. 

Mo bagadallan čađahuvvo?

Sáhtát oažžut bagadallama njunnálaga dahje video, e-poastta dahje telefovnna bokte. Min bagadallit leat bealátkeahtes ja ámmátlaš sagastallanguoimmit ja sis lea jávohisvuođageasku. 

Mii fállat álgoálggus gitta golbma sagastallama, muhto soitet šaddat eambbo jus lea dárbu, dahje čuovvoleapmi e-poastta ja telefovnna bokte.

Sáhttit maid geavahit iešguđet kártenreaidduid guorahallan dihte du proseassa čiekŋaleappo jus siđat dan. 

Du dárbbut guovddážis

Du historjá ja vuolggasadji, mihttomearit ja beroštumit leat guovddážis karriearabagadallamis. Mii suokkardit sávaldagaidat ja vejolašvuođaidat iežat rámmaid siskkobealde.

It dárbbaš ráhkkanaddat maidege diibmui, muhto soaitá buorre smiehttat maid háliidat ollášuhttit bagadallamis.